Par devant Gilles Rageot notaire royal en la Nouvelle France residant a Quebec furent presents en leurs personnes Martin Guerard domeurant en la coste de Beaupré paroisse Chasteau Richer fils de Guillaume Guerard et Rachel Bremen vivants de la paroisse de Saint-Liennard de Honnefleur du dioceze de Rouen d une part et Marie Boette de present demeurante en cette ville et dioceze dudit Quebec fille de feu Charles Boette, et d Anne LeVreux ses pere et mere de la paroisse de Saint-Vivien de la ville de Rouen , lesquelles partyes de leurs bons grez et vollontez en la presence de l advis et consentement de leurs amis pour ce assemblez d une part et d autre scavoir de la part du futur espoux de Robert Annettre amy, et de la par de ladite future espouze de dame Marie Barbe de Boulongne veuve de feu messire Louis Dailleboust vivant chevalier seigneur de Coulongne et d Argentenay lors gouverneur et lieutenant general pour le roy en ledit pays , d Anne Fossé femme de Jacques de la Roe # et de Marie Caillet # amyes de ladite future espouze ont fait et accordé leur tretté et promesse de mariage qui en suivent c est a scavoir que ledit Martin Guerard a promis et promet prendre pour sa femme et legitime espouze ladite Marie Boette comme aussy ladite Marie Boette promes prendre ledit Martin Guerard pour son mary et legitime espoux icelluy mariage faire et solemniser en face de notre mere sainte Esglise catholique apostolique et römaine le plustost que faire ce poürra et qu il sera advisé et deliberé entr eux leurs dits amys sy Dieu et notre dite mere sainte-Esglise y consentent et accordent, pour estre les futurs espoux uns et communs en tous biens meubles propres acquests et conquests immeubles du jour des espouzailles suivant la coustume de la ville prevosté et vicomté de Paris,ne seront tenus aux deubts l'un de l autre faicte et creées auparavant la solemnité dudit présent futur mariage ains aucunes y a seront payées et acquitées par celluy de qui elles procéderons et sur son bien sera douée ladite future espouze du douaire coustumier ou de la somme de trois cents livres de douaire prefix a son choix a prendre sur le plus clair et mieux apparaissants de tout les biens dudit futur espoux qu il en a des a present affectez et hipotecquez,et a ledit futur espoux declaré que sa dite future espouze a par devers elle en effets et son trousseau jusques a la concurance de la somme de trois cent livres tournois qu elle (mot rayé) sera tenue porter avec luy le jour d auparavant leurs espouzaiiles ce qui luy tiendra nature de propre,et arrivant mort dudit futur espoux auparavant ladite future espouze elle pourra sy bon luy semble, renoncer a ladite communauté et en ce faisant reprendre ce que constant ledit futur mariage luy sera advenu est escheu par succession donnation qu'autrement ensemble ladite somme de trois cens livres qu elle doit porter avec ledit futur espoux comme dit est la veille de ses espouzailles,et son dit douaire avec ses habits linge bagues et joyaux servant a son usage le tout q autrement sans estre tenue des debtes de la dite communauté quoy qu elle y fust obligée ou condamnée,et ladite dissolution adnenant sans enfans procrez dudit futur mariage lesdits futurs conjoints se sont fait et font l'un d eux a l autre donnation irrevocable entre vif en la meilleure forme et maniere que donnation puisse avoir lieu et sortir effet de touts et uns chacuns leurs biens meubles propres acquests et conquests immeubles en quelques lieux qu il se puisse trouvé et a laquelle somme ils puissent monter, pour en jouir par le survivant des deux comme de chose a luy appartenant et en disposer ainsy que bon luy semblera, et pour faire insinuer ses présentes dans quatre mois d huy suivant l'ordonnance par tout ou il appartiendra lesdits futurs conjoints ont faict et constituer leurs procureur le porteur des presentes auquel ils ont donné pouvoir de ce faire et d'en requérir acte, car ainsy et ce promettant et ce obligeant chacun en droit soy et ce renoncants et fait et passé au dit Quebec estude dudit notaire apres midy le vingt troisieme jour d octobre mil six cent soixante sept en presence de Jean Baptiste Gaudon sieur de Bellefontaine et de Guillaume Roger tesmoins demeurants au dit Quebec qui ont avec ledit futur espoux dame Dailleboust Fossé et notaire signé et a la dite future espouze declare ne scavoir escrire ny signer avec la dite Marie Caillet ces présentes
M.B DeBoullongne
Martin Guerad (paraphe)
Anne Foffe
Roger (paraphe)
J.B Gaudon (paraphe)
Rageot (paraphe)